وســــــــارعـــــــــــــــــوا
لو بكرة هيكون زى النهاردة , خلينا قاعدين ,
خليني في شغلى وخليك في جامعتك وخليها في مدرستها
لكن بكرة عمره ابدا ماهيكون زى النهاردة
بكرة لازم يكون ( غيـــــــــر النهارده)
بكرة لازم يكون مرسوم بقلمى وقلمك
بكرة لازم انت اللى تحدد يكون عامل ازاى
بكرة لازم يعبر عن ابداعك , بكرة لازم يعبر عن كل اللى جواك :))
بكرة لازم يكون ( احلى يـــــــــوم )
انا هساعدكـ تحقق حلمك , وانت لازم تقف جمبى فمشوارى
باختاصر , لازم نعيش لبعض ,
ساعد غيركـ بحلم , ساعده يكون له مكان فى الدنيا :))

عيش للناس , عشان انت مش حد عادى , انت صاحب بكرة والمسؤل عنه انت صاحب رساله انت صاحب فكره :
انت اللى هتحدد هتعمل فيه ايه , ومين هيساعدك فيه
انت لازم يكون ليك دور معا وسارعوا اكيد موجود في الخير دايما على طول 
انت من بكرا هايكون ليك دور في المجتمع اللي انت فيه
وهتساعد الناس ودا مش لوحدك احنا معاك وانت معنا ساعد بخيرك وانفع غيرك
ساعد غيركـ يكون عنده اللى بيحلم بيه 
ساعده لما يجي يفرح , يلاقى اللى يفرحه , ساعد طفل انه يكون ( فرحان )
ساعده لما يحتاج حد جمبه يلاقي اللى يساعده , ساعده بانكـ ( تزوره ديقيتين)
ساعده لما يكون تعبان يلاقي حد بيخاف عليه ويوعيه ويحبه وناس مرحبا بيه 
ساعده بكلمه طيبه بابتسامه واعتقد ان الابتسامه لا تكلف شيئا ولكنها تعني كثير 
ساعده انك توعيه وقف جمبه 
ساعده باللي تقدر عليه وشارك بنفسك وشوف وحتى لو مش معاك اي شي لكن افرح معنا وشارك في اليوم دا مع وسارعوا
عشان كدا حابين تشاركنا الفرحة والخير والثواب وفرحة الاطفال بينا وفرحتنا بيهم هما كمان #أطفال_السرطان بمعهد الاورام بأسيوط يوم الاثنين ٦/٢٤ مع وسارعو فرع القوصيه وديروط وأسيوط مش بس كدا لا دا كمان هنتبرع كمان بالدم لو حابب تشارك